![Directivos evaluando un proyecto estudiantil como parte de su colaboración](/media/402/download/gente-reunida-en-clase.webp?v=2)
![](/uploads/media/noticiaHomecatimage.png)
Fundazioa
Bisitan, Chiviterekin batera, Jose Angel Andres Nafarroako Kutxa Fundazioko presidentea, Gemma Botín Berrikuntza eta Gizarte Erronketako arduraduna eta José Andrés Burguete zentroko zuzendaria izan dira.
Isterriak 6 eta 21 urte bitarteko 96 ikasle eta 21 eta 23 urte bitarteko 16 gazte ditu, baita 86 laguneko talde profesional bat ere. Nafarroako Gobernuko hezkuntza departamentuarekin hitzartuta dago.
Berrikuntza: funtsezko elementua
Berrikuntza Nafarroako Kutxa Fundazioaren oinarri estrategikoa da, eta Isterrian ere islatzen da. Isterria hezkuntza-berrikuntzako hainbat ekimen garatzen ari da, besteak beste, Desensibilizazio Sanitarioko proiektua eta ikastetxeko pinudian oinarritutako ingurumen-proiektua. Zentro horrek Nafarroako Gobernuaren Gizarte Berrikuntzako Saria jaso zuen 2022an, desentsibilizazio santitarioaren ekimenagatik, adimen-desgaitasuna duten pertsonei osasun-ingurunerako sarbidea hobetzeko asmoz.
Lehendakariak Isterriko hainbat gune bisitatu ditu. Adibidez, ikastetxeko hainbat ikasgela, eskola-egoitza osatzen duten etxeren bat eta lan aurreko prestakuntza-zentroa. Ibilbide horretan, ikastetxearen printzipio pedagogikoak ezagutu ahal izan ditu, hezkuntza inklusibo, integral eta askotarikoan oinarrituak, hausnarketa, espiritu kritikoa eta parte-hartzea sustatzea helburu duena, osasun fisiko eta sozioemozionalari arreta emanez, metodologia aktiboak txertatuz, hala nola Teacch metodoa, jokabide-laguntza positiboa, oinarrizko estimulazioa eta estimulazio multisentsoriala, bai eta komunikazio-sistemak garatzeko metodoak ere.
Beste zerbitzu batzuk
Isterriak, gainera, egoitza bat du Nafarroa osoko pertsonei eskolatzea errazteko. 7 etxebizitza funtzional ditu, eta horietan 45 ikasle bizi dira astelehenetik ostiralera eskola-egutegian. Datozen bi udetan, egoitza hori egokituko da, ikasleei ahalik eta zerbitzurik onena eskaintzeko.
Lan egin aurreko prestakuntza-zentroak 21 urtetik gorako 16 pertsona ditu, eta alderdi pedagogikoak lantzen ditu, lanbide-eremuan sartzeko.
![](/media/1140/download/FCN%20-%20NAIR.jpeg?v=1)
![](/uploads/media/noticiaHomecatimage.png)
Elkarlaneko proiektuak
16/07/2024
Nafarroako Kutxa Fundazioaren bi beka, AAri buruzko Udako Eskola batean
Ander Goñi Medrano eta Juan Pedro García Ortiz, NA...
![](/media/1134/download/formacion-policia-nacional.jpg?v=1)
![](/uploads/media/noticiaHomecatimage.png)
Ezintasuna
12/07/2024
UAVDIren jarduera berriak
Nafarroako Kutxa Fundazioak, "la Caixa" Fundazioar...