Beti lagunduta programa
Nahi ez den bakardadearen erronkari erantzuteko sortu zen programa hau, eta 2019. urtean ezarri zen Nafarroan, Nafarroako Kutxa Fundazioaren eta "la Caixa" Fundazioaren arteko lankidetzaren ondorioz. Gure kasuan, Iruñeko Udalarekin lankidetzan garatu zen.
Programa honen bidez, bakardade-egoerei aurre egiten diegu, adinekoen arteko babes- eta ongizate-harremanak bultzatuz, ahaldunduz eta haiekin konprometitzen den gizarte baten parte sentiaraziz. Hiru helbururekin egiten dugu:
- Adinekoei laguntzea eta ahalduntzea, beren bakardadea kudeatu ahal izan dezaten.
- Babes-harremanak eta elkarrekiko laguntza sustatzeko gai diren sare komunitario sendoak eraikitzea.
- Herritarrak harreman horien garrantziaz sentsibilizatzea.
Siempre Acompañados programak entzuteko, hitz egiteko eta lehen pausoa emateko prest dagoen talde profesional bat eskaintzen du, helburu hauekin:
- Pertsona ahalduntzea.
- Lagun egitea, ingurunearekiko konfiantza-, konpromiso- eta lankidetza-harremanak erraztuz.
- Bizi-prozesuan laguntzea, bizitza osoa izan dezan.
Horretarako, programak esku-hartze berritzaileko metodologia bat du, ingurune komunitarioa eta informazio- eta sentsibilizazio-ekimenak integratzen dituena.
Krisi humanitario hauen ahanzturaren aurka borrokatzeko proiektua
Nafarroako Kutxa Fundazioak bultzatzen du komunikazio-ekimen hau, eta, bertan, Nafarroako 12 komunikabidek eta gure erkidegoan finkatutako 11 lankidetza-entitatek hartzen dute parte, gaur egun behar adinako arretarik ez duten krisi humanitarioak agerian jartzeko.
