Nafarroako Kutxa Fundazioak GustARTE proiektuaren aurkezpena lagundu du

Elkarlaneko proiektuak

23/10/2025

Jose Angel Andres Nafarroako Kutxa Fundazioko presidentea eta Izaskun Azcona “la Caixa” Fundazioak Nafarroan duen ordezkaria GustARTE proiektuaren eta BiYou marka berriaren aurkezpenean izan dira Berriozarren. Fundación Bideanek bultzatu du proiektua, bi fundazioek batera sustatzen duten Innova programaren barruan.

GustARTE proiektuaren helburua da desgaitasuna duten pertsonen talentu sortzailea ikusaraztea eta aniztasunarekiko eta inklusioarekiko gizarte-begiradaren aldaketa sustatzea. BiYouren bidez, produktuak diseinatu eta egiten dira —kamisetak, kirol-jertseak, poltsak edo botilak— artistek sortutako diseinu esklusiboekin, artea, kultura eta konpromiso soziala uztartuz.

Ekitaldian, José Ángel Andrések nabarmendu zuen GustARTE bezalako proiektuek “ekintza konkretua gainditzen dutela eta gizarteak desgaitasunari begiratzen dion modua eraldatzea bilatzen dutela. Begirada aldatzea mundua aldatzen hastea da”.

Ekimen horren bidez, Nafarroako Kutxa Fundazioak berretsi egiten du berrikuntza sozialarekiko duen konpromisoa, eta gizarte inklusiboago eta bidezkoago bat sustatzen duten erakundeei laguntzen diena, haien sormenetik eta konpromisotik abiatuta.

Proiektuari buruzko informazio gehiago: https://programa-innova.es/proyectos/social/gustarte