Sinbolismoz beteriko irudiarekin abiatuko da Teatrodix-en V. edizioa. Mikel Urmeneta artistak diseinatu du kartela, eta “Integrational” hitz asmatua giza oin baten aztarnarekin lotzen du, pertsona migratzaileen urratsa eta artearen bidez integrazio modu berriak irudikatzeko beharra gogora ekarriz.
Jaialdi hau erreferente gisa finkatu da Iruñean, arte eszenikoak eta konpromiso soziala uztartzeko duen gaitasunagatik. Aurten ere INNOVA Programaren laguntza izango du, Nafarroako Kutxa Fundazioak eta “la Caixa” Fundazioak elkarrekin sustatua.
Bosgarren edizio honetako programazioak nazioarteko artistak, emozio handiko lanak, laborategi sortzaileak eta tailer parte-hartzaileak hartuko ditu. Arte eszenikoen bidez hausnarketa, kohesioa eta eraldaketa soziala sortzea helburu duen kultur proposamena.
Aurkezpen ofiziala CIVICANen egin da, Nafarroako Kutxa Fundazioko presidente José Ángel Andrések parte hartu duelarik, eta Teatrodix bezalako proiektuak babestearen garrantzia azpimarratu zuen, proiektu horiek balioa ematen baitiote artearen botereari integrazio eta elkarrizketa sozialerako tresna gisa.
Honen moduko ekimenei emandako babesarekin, Nafarroako Kutxa Fundazioak berretsi egiten du kulturarekiko konpromisoa, Nafarroako berrikuntza sozialaren eta garapen komunitarioaren eragile den aldetik.
Kontsulta ezazu egitarau osoa Teatrodix-en webgunean.
