Isterria Hezkuntza Bereziko Zentroak, Nafarroako Kutxa Fundazioaren proiektuak, “Laguntza onak: konpromiso etiko indibidual eta kolektiboa” jardunaldia egingo du datorren maiatzaren 29an CIVICANen. Topaketa hau adimen- eta/edo garapen-desgaitasunaren arloko profesional eta erakundeei zuzendua dago, etikak laguntza-zerbitzuetan duen zereginari buruz hausnartzeko.
EEE Isterriak antolatu du jardunaldia, Incorpora gizarte ekimeneko sozietate kooperatiboarekin lankidetzan, eta sektoreko profesionalen artean gogoeta eta ezagutza-trukea sustatzea helburu duen elkarrizketa-gunea izan nahi du.
Topaketan, adimen- eta/edo garapen-desgaitasuna duten pertsonei laguntzen dieten zerbitzuetarako gai nagusi bat jorratuko da: nola eraman printzipio etikoak laguntzen eguneroko erabaki eta praktiketara. Horretarako, gizarte-arloari lotutako profesionalak, erakundeak eta pertsonak bilduko ditu, eta eguneroko lanean sortzen diren erronka etikoei buruzko esperientziak eta ikuspegiak partekatuko dituzte.
Ana Carratalá Marco Erabateko Inklusioko Etikaren Estatu Batzordeko lehendakariak parte hartuko du jardunaldian, eta etikak laguntzak hobetzeko eta desgaitasuna duten pertsonen eskubideak bermatzeko duen eginkizunari buruzko bere ikuspegia azalduko du.
Programak ponentziak eta profesionalen arteko elkarrizketa-guneak uztartuko ditu, hausnarketa kolektiboa sortzeko eta laguntza arduratsuagoak, koherenteagoak eta pertsonetan oinarrituagoak lortzeko.
Saioa maiatzaren 29an (ostirala) izango da, 16:30etik 20:30era, CIVICANeko auditorioan (Pio XII.aren etorbidea, 2, Iruña).
Laster emango dugu egitarau osoaren eta izena emateko prozesuaren berri.
