Topaketa horren bidez, Innova programak adimen artifizialaren inguruko pentsamendu-espazio bat sortzen lagundu nahi du, teknologia horrek planteatzen dizkigun erronken inguruan eztabaidatu, eragozpenak jarri eta hausnartu ahal izateko. Horrela, Innova programa lankidetza ekonomikotik haratago doan bultzada gisa garatzen da, Nafarroako lurraldean berrikuntza eta eraldaketa soziala bultzatu nahi duten pertsonen hausnarketa kritikoa landuz eta horietan parte hartuz.
Marta Peirano kazetari, komisario eta idazle espainiarra da, teknologian eta boterean espezializatua. El País eta RNEko zutabegilea. Bere azken liburuak honako hauek dira: “El enemigo conoce el sistema”, teknologiak eraldatuta bizi garen munduari buruzko berehalako bestseller bat; “Contra el futuro”, krisi klimatikoa kudeatzeko eta arintzeko teknologien azterketa kritikoa; eta “(re) programming”, apokaliptikoak ez diren etorkizuneko teknologiei buruzko adituekin, filosofoekin eta artistekin egindako elkarrizketa-liburua.
