Obra lankidetzan

Sareko lana eta erakundeen arteko lankidetza dira, hain zuzen, Nafarroako Kutxa Fundazioaren jarduera gidatzen duten balioetako bat.

"La Caixa" Gizarte Ekintzarekin lankidetzan babestutako proiektuak, beraz, gizarte eta kultur jardueraren motor handia dira Nafarroan. 2016an, Nafarroako Foru Erkidego osoko erakundeen 53 proiektuk jaso zituzten bi erakunde horien artean banatutako ia 7 milioi euroak.

Nafarroako Kutxa Fundazioaren eta "la Caixa" Gizarte Ekintzaren arteko aliantzak Nafarroan garrantzi eta tradizio handikoak diren bi gizarte ekintza bultzatzen ditu. Horren ondorioz, ezin konta ahala gizarte proiekturi ari dira babesa ematen, bai eta kultura zein zientzia hedatzearekin lotutako bestelako ekimenei eta ikerketarekin edo osasunarekin zerikusia duten proiektuei ere. Nabarmentzekoa litzateke, halaber, unibertsitateekiko lankidetza.

Era berean, Botín Fundazioak bultzatutako "Talentu solidarioa" programaren azken bi edizioetan parte hartu du Nafarroako Kutxa Fundazioak. Gizarte erakundeen ideia berritzaileetan oinarrituta kalitatezko enplegua sustatzen duen proiektu bat da. Lankidetza ekonomikoaz gainera, Botín Fundazioak laguntza eman eta jarraipena egiten die proiektu guztiei.