Berrikuntzaren, sormenaren eta ekintzailetzaren astea

Berrikuntzaren, Sormenaren eta Ekintzailetzaren Astea, hain zuzen, Nafarroako Gobernuaren Hezkuntza Departamentuarekin lankidetzan garatutako programa da. Programaren helburua da, zehazki, Lanbide Heziketako ikasleek euren proiektu pertsonalak, akademikoak eta lan arlokoak arrakastaz gauzatzeko beharrezkoak dituzten hezkuntza gaitasunak sustatzea.

 

Hauek dira, beraz, gure helburuak:

• Prestatzea, herritar osotu, solidario eta arduratsuen artean gizarte zein enpresa ekintzailetza sustatzeko.

• Ikasleen gaitasun pertsonalak, pertsonartekoak eta negoziozkoak garatzea, euren jarrerak, gaitasunak eta gizarte zein zuzendaritza trebetasunak hobetzeko; betiere, ekimenak gizartearen aurrerabidean duen garrantzia aintzat hartuz.

• Talentua eta ezagutza atxikitzeko ahaleginak batzea.

• Taldeko lan dinamikak definitzea, ikasleen banakakotasuna errespetatuz.

• Ikasleak ikaskuntza eta ebaluazio prozesuetan parte hartzen duten erreferentziazko ereduz hornitzea. Azken batean, gure komunitatearen ekonomia eta gizarte garapena bultzatuko duten ekimenak babestea.

Horretarako, nola ikasleek, hala irakasleek, tresna eta metodologia berriak dituzte eskura, ekintzailetza pertsona guztion irismenean dagoen zerbait izan dadin.