4.1 Innova Programa

Innova programa erreferentziazko ekimena da bere proposamenagatik eta lan-metodologiagatik. Bi fundazioek bultzatzen dute programa hori gizarte, kultura eta toki arloetan proiektu berritzaileei laguntzeko. 2022an seigarren edizioa izan zuen, eta horrek finkatu egin zuen, are gehiago, Nafarroako erreferentziazko ekimen gisa.

IKUSI INNOVA PROGRAMAREN WEBGUNEA

InnovaLocal sortzea, 8.000 biztanletik beherako herrietako erakundeen proiektuei laguntzeko, aurrerapausoa izan da Innova Programarentzat, eta gizartean sortzen ari diren errealitate berriei erantzuna emateko bi fundazioek beti erakutsi duten entzuteko jarreratik sortu da, inolaz ere.

Innova programaren lan metodologia indartu egin zen 2022an, Nafarroako hirugarren sektorea indartzeko helburua betez eta enpresa arloa bateratzeko lan eginez, helburu komunak beteko baitira horrela, gizarte hobea lortu ahal izateko.

Horretarako, Innova Sareko erakundeen artean prestakuntzarako eta aliantzak sortzeko topaketak antolatzen jarraitu zen. Era berean, bitartekaritza lanarekin jarraitu zuen Innova Programaren bideratzaileak ere. Bestalde, txosten bat egin zen enpresek GJHekin, eta, bereziki, 17. zenbakiarekin (Aliantzak sortzea) duten harremanari buruz.

IKUSI 17. GJH TXOSTENA

Magallanes Elcano saria

Gizarte Berrikuntzako Magallanes Elcano kongresua mugarri izan zen Innova Programa honetarako, eta Inklusioa eta Ahalduntzea kategoriaren barruan ekimen nabarmenentzat hartu zen. Sei edizio egin ondoren, laguntza handia izan zen programa honek proposatzen duen bultzada berritzailea aintzat hartzea.

Sari horrekin batera, kongresu horretan parte hartu zen, eta alor horretan nazio mailan egindako jardunbide egokitzat hartu zen Innova programa. Hala, Javier Fernandez Nafarroako Kutxa Fundazioko zuzendari nagusia izan zen kongresu horretako parte hartzaileetako bat. Latinoamerikako beste herrialde batzuen testigantzak ere bildu zituen kongresu horrek.

IKUSI AINTZATESPENA MAGALLANES ELCANO