Nafarroako Kutxa Fundazioa l’Horta Sud berreskuratzearen alde dago

Fundazioa

24/11/2025

Nafarroako Kutxa Fundazioa Espainian inoiz ikusi gabeko aliantza baten parte da, beste bederatzi fundaziorekin batera, DANA izan eta urtebetera l’Horta Sud berreskuratzen laguntzeko. Lankidetzaren bidez, 415.000 euroko ekarpen bateratua egiten zaio Horta Sud Fundazio Komunitarioak bultzatutako funtsari. Fundazio horrek koordinatzen du uholdeen ondorengo lehen egunetik ematen den erantzuna.

50.000 euroko ekarpena egiteaz gain, Nafarroako Kutxa Fundazioak aktiboki parte hartu du ekimen hau posible egin duen talde sustatzailean, eta Estatuko fundazio-eremu osoko erakundeak inplikatu ditu.

Parte hartzen duten fundazioek azpimarratu dutenez, “aliantza honek agerian uzten du lankidetzaren eta desafioei aurre egiteko lurraldetik jardutearen garrantzia”. Fundazioen Espainiako Elkartetik, Rosa Gallegok azpimarratu du lankidetza hori Horta Sud Fundazio Komunitariarenganako “konfiantzaren baliotik” bakarrik dela posible. Bertako zuzendari Julio Huertak dio hitzarmen honek “azpiegiturak ez ezik, lotura komunitarioak ere berreraikitzea” ahalbidetuko duela.

Funtsak l’Horta Sud (2024-2028) Berreskuratzeko eta Eraldatzeko Planean sartuko dira, eta, besteak beste, ekintza hauek aurreikusten ditu:

• Komunitate-gune bat sortzea
• Adineko pertsonei eta talde ahulei laguntzea
• Kaltetutako familiako oroitzapenak berreskuratzea
• Eta kultura-, kirol- eta prestakuntza-jarduerei laguntzea.

Lehen urte honetan, Horta Sud Fundazioak 2,7 milioi euro mobilizatu ditu, 400 elkarteri eta 100.000 pertsonari baino gehiagori mesede eginez.

Aliantza horretan parte hartzeak indartu egiten du Nafarroako Kutxa Fundazioak lankidetzarekin, inpaktu sozialarekin, aliantza eraldatzaileekin eta krisi humanitarioei emandako erantzunarekin duen konpromisoa, horiek baitira bere jarduera-ereduaren funtsezko balioak.